આઈ ફોન થી કોમ્પ્યુટર કે લેપટોપ એક્સેસ કરતા શીખો
એવી ઘણી બધી રીત ઉપલબ્ધ છે જેના દ્વારા તમે તમારા કોમ્પ્યુટરને આઈફોન દ્વારા ઍક્સેસ(access) કરી શકો છો, પરંતુ આમાંની લગભગ રીત(method) ખર્ચાળ અને મોંઘી છે જે તમે એક વખત કે મહિને કે વાર્ષિક ફી ચૂકવીને વાપરી શકો છો પણ આપણે એક એવી રીત વિશે વાત કરીશું જે તદ્દન મફત અને વાપરવામાં ખૂબ સરળ છે.
આ રીત પણ ગૂગલબાબાની દેન છે જેનું નામ છે,“<strong>Chrome Remote Desktop” </strong>જે ઇન્સ્ટોલ કરવું અને વાપરવું બહુ જ સરળ છે. તો જાણીએ કઇ રીતે તેને વાપરશું…
1. સૌ પ્રથમ તમારે તમારા કોમ્પ્યુટરમાં Google Chrome Browser ઓપન કરવાનું રહેશે. જો તમારા કોમ્પ્યુટર ઓર આ browser ના હોય તો તમે તે com/ chrome પરથી ડાઉનલોડ કરી શકો છો.
2. ત્યારબાદ તેમાં ઉપર જમણી બાજુ આપેલા બ્લ્યૂ બટન “sign in” પર ક્લિક કરી, તેમાં તમારું ગૂગલ યુસર નેમ અથવા ઇ-મેઇલ આઇડી, પાસવર્ડ નાખી સાઈન ઈન કરો.
3. Chrome browserમાં વેબ સ્ટોર ઓપન કરી તેમાં chrome remote desktop સર્ચ કરો અને તમારી કોમ્પ્યુટર સ્ક્રીન પર ઉપરની બાજુ જમણી સાઈડ આપેલ“ add to chrome” બટન પર ક્લિક કરી, pop-up વિન્ડોમાં “add app” પર ક્લિક કરો.
4. ત્યારબાદ ઉપર સાઈડ જમણી બાજુ આપેલું લીલા રંગનું બટન “launch app” પર ક્લિક કરી “authorize” પર ક્લિક કરો અને ત્યારબાદ pop-up વિન્ડોમાં “Allow” પર ક્લિક કરવાનું રહેશે.
- My computerના હેડિંગ નીચે “get started” ને ક્લિક કરી “enable remote connections” બટન પર ક્લિક કરો.
- તમારે 6 કે તેથી વધુ digitsનો પિન બનાવી રિમોટ કોમ્પ્યુટરમાં લોગ ઈન કરો. આ પિન તમે જ્યારે જ્યારે રિમોટ કોમ્પ્યુટરમાં લોગ ઇન કરશો ત્યારે નાખવાનો રહેશે.
- Pop-up windowમાં “yes” પર ક્લિક કરો અને ત્યારબાદ remote કનેક્શન ઈનેબલ કરવા માટે “ok” પર ક્લિક કરો.
5. હવે આઈફોનમાં ઍપ સ્ટોરમાં જઈ chrome remote desktop સર્ચ કરો અને ઇન્સ્ટોલ કરો.
6. ત્યારબાદ આઈફોન પર chrome remote desktop appમાં લોગઇન કરો અને તમે જે કોમ્પ્યુટરને access કરવા માંગતા હોવ તેને સિલેક્ટ કરો. એકવાર સિલેક્ટ થઈ જાય ત્યારબાદ 6 digit pin એન્ટર કરી “connect” પર ક્લિક કરો.
બસ, ત્યારબાદ તમે તમારા આઇફોન દ્વારા કોમ્પ્યુટરને કન્ટ્રોલ કરી શકશો. જમણી બાજુ આપેલ કમાન્ડ બટન પર tap કરો. આમાં તમને virtual mouse, virtual keyboard, ફૂલસ્ક્રીન મોડ અને હેલ્પ એન્ડ ફીડબેક માટેના આઇકોન(icon) દેખાશે જેનો તમે ઉપયોગ કરી શકશો. જેમ તમે કોમ્પ્યુટરની સામે બેસીને કામ કરતા હોવ તેમ તમે કોઈપણ પ્રોગ્રામ, ફાઇલ, ફંક્શન્સ access કરી શકશો. જ્યારે કામ થઈ જાય ત્યારે તમે × બટન ક્લિક કરી ડિસ્કનેક્ટ કરી શકો છો અથવા આઇફોનના હોમ બટનને ક્લિક કરી મિનીમાઇઝ પણ કરી શકો છો.
આ થોડી લાંબી પણ સરળ રીત છે . આ રીત દ્વારા તમારું કામ તમે સ્માર્ટલી, ખૂબ સરળ અને ઝડપથી કરી શકશો.
